MARHATA ADAT PESTA UNJUK

MARHATA ADAT PESTA UNJUK..!!

anwarjaya16.blogspot.com

Dung sippul marsipanganon/Pembagian jambar juhut/ Manjalo tumpak hasuhuton, Protokol parboru langsung ambil inisiatip dan berkata :

Protok paranak:

Jadi boha tulang nga boi tamulai?

Protok parboru:

Nauli Amang boru dos rohatta.

Protok paranak:

Mauliate Raja nami mangido tingki majo hami satongkin asa mardosni tahi jo hami angka namar dongan tubu.

Protok parboru:

Gabe horas amang boru ulahon hamu ma.

Protoko paranak:

Jadi songoni ma dihita namardongan tubu pomparanni omputta.

Didok natua-tua molo tartallik huling-huling tarida ma holi-holi.

Molo hahana marulaon Anggina ma nagabe Raja panamboli. Jadi nuain pe, tangkas songonna taboto di hami Hahadoli mu ma nuain Raja togatorop na mangkasuhutton ulaonta di sadarion. Hupasahat hami matu hamu Anggi doli nami Sianturi dohot siburian, asa hamu ma namangalusi sungkun-sungkun ni hula-hulanta raja disebut marganya.

Dung simpul marsipasangapan dan terpilih sebagai pande hata atau parsinabul, Parsinabul langsung berkata  Horas ma jala gabe di hita namar dongan tubu pomparan oputta toga simatupang, hu jalo hami ma pangkataioni di bagasan lasni roha apala lumobi ma antong di bagasan hahipason nasian tu hantai.

Nangsongoni ma dihita saluhut na mardongan tubu pomparanni oputta toga simatupang, Ala naeng mulaatta nama makatai Asa tabuat be hundulanta jala sonang mahita di hundulantabe, tangkas ma antong tapaihut-ihut di angka pangkataion nauli na denggan di tongani mangajana on.

Alai ait tung dia anong gabe mahatop pu au mangalusi sungkun-sungkun hula-hulanta Rajai raja si anu....

Mangido au di hita saluhut na asa pintor hatop antong paingot hamu au unang gabe salah anong, di angka pakkataion nauli na denggan di tongani mangajana on.

Jala molo tung malelengku pe au anong mangalusi, manang lelet pintor hatop antong onjar hamu au sian pudi alai nanget ma onjar hamu sotung gabe laos onjom au anong.

Nang songonima di hamu saluhut na ina nami paniaran nami,

Inang soripada ala angka amatta raja do antong ianggo namakkatai marpangidoan hami di hamu suluhut na ina nami, paniaran nami. molo pe tung na makata-hatai hamu  pangidoan nami,, asa pangke hamu majo antong bahasa isiarat dibagasan tingkion manang pergunahon hamu majo angka media sosial natiniop muna dibagasan tingkion.

Anggo di hamu boru dohot bere nami di pudi nami hamu ate amang boru? Asa tung sigap-sigap anong hamu suruon nami laho mangula si ulaonta di bagasan tingki on.

Nang songonima di hamu saluhut Rajani dongan sahuta nami.

Amang Rajani dongan sahuta, di dok natua-tua jonok inna partubu ujonokan do antong ianggo parhundul ala naeng mulaanta nama makatai di bagasan tingkion asa marnatampak ma hita dison, Boha di hamu Rajani dongan sahuta nami Nungga mangarade hamu Amang?

Gabe ma jala horas di hamu saluhutna rajani dongan sahuta nami molo dung mangarade hamu mauliate ma dihamu.

Suang songonima di hamu nahuparsangapi hami hula-hula dohot tulang nami, 

Hula-hula nami Rajai raja

1.Raja si anu

2.Tulang nami Raja si anu

3.Tulang rorobot nami Raja si an

4.Bona tulang Raja si anu

5. Hula-hula na marhaha maranggi

6. Hula-hula di anak manjae.

Rajanami raja bolon, sesuai dohot gora-gora ni porotokol nami nakin Rajanami, ala naeng mula an nami nama makatai di bagasan tingkion dohot Rajani hula-hula nami Rajai....Raja sianu

Tung sopir do tarontok nami raja nami di namamulai pangkataion nami dibagasan tingkion ianggo so jolo tipak dope antong parhundul ni Rajai, juppa do anong tingkina jala juppa ma di ombasna, natong-tong pasahatonnami do tingki tu rajai, ima di tingki namanjalo panuturion hami sian hamu saluhut na hula-hula dohot tulang nami, nuaeng pe Raja nami raja bolon namanangkasi ma hami di parhundul ni Rajai, Boha tulang naburju nunga singkop hundulan di Rajai?

Gabe ma jala horas di hamu saluhutna hula-hula dohot tulang mami molo dung singkop antong hundulan di rajai, nuaeng pe nungga tung pir be tarontok nami makatahon si hatahonon nami rap dohot hula-hula nami Rajai raja si anu.....disebut marganya mauliate ma di hamu.

Jadi songonima di hamu Hula-hula nami Rajai raja si anu... nunga mangarade be hami Rajanami.

Parboru:

Mauliate amangboru, tong majo mangido tingki hami satongkin asa hupasangap hami jo angka raja ni ontang nami.

Paranak:

Nauli Rajanami.

NB. Di tingki namardosni roha parboru tidak jau beda seperti yg di ucap paranak tadi.....

Parboru:

Jadi boha amang boru nga boi be tamulai pangkataionta?

Paranak:

Gabe jala horas tulang

Parboru:

Parjolo ma hupasahat hami hamuliateon ni roha nami tu adopanni amatta na martua debata, ala tong-tong  dope dibagasan hahipason  hami ro sian tonga ni luat nami sahat tu luat ni amang boru di bagasan tingkion.

Amangboru didok natua-tua, Asa pitu ma mataniari, sapulu dua bonani bulan, 

Ala naeng mulaanta nama amang boru makatai pasahat hamu majo pinggan panunkkunan.

Paranak:

Gabe ma jala horas Rajanami,

Baris-baris ni gaja di rura pangalo an, molo marsuru raja ikkon do oloan, molo ni oloan sai dor do akka pangomoan.

Asa pitu ma tutu bona ni ari sapulu dua bonani bulan, Ala naeng mulaan nama tutu makatai pasahaton ma pinggan panungkunan. Boru nami pasahat hamu pingganon tu adopan ni Rajai, tampuk nai baen tu adopan ni Rajai. Pasahat ma.

Parboru:

Mauliate amang boru.

Dison pinggan panungkunan na hot di hundulanna.

Asa hot ma anttong pasa-pasu ni amanta namartua debata di hita badua bola pihak, olat nion tu joloan ni arion.

Laos di patupa amang boru do muse dison, ima boras siribur-ribur, boras sipir ni tondi,  Asa pir ma pokki bahul-bahul passalongan pir attong tonditta sai dor akka pangomoan.

Amang boru laos di patupa amang boru do muse di ginjang nai,  ima debban tiar napuran sirata, nungga hundul hita di ginjang ni harosi na pinarade muna asa tiar jala ratama antong di akka panggabean parhorasan di hita nadua bola pihak olat nion tu joloanni ari on.

Amang boru laos di patupa amang boru do muse  di ginjang nai , ima na patuduhon sian si hamoraon munai hamu  ima uang bolak natinopani pamarettatta. Amang boru sian napinatupa muna on   hubuat hami jo antong tolu asa tong-tong tubu di hita angka ngolu-ngolu.

1. Upangan ni pinggan panukkunan maon di pomparan ni oputta toga torop.

2. Upangan ni pinggan panukkunan maon di pomparanni oputta sianturi.

Upanganni pinggan panukkunan ma on di pomparan ni oputta siburian.

Anggo on di dok natua-tua molo ni durung pora-pora sai pintor ihut do dapot sibahut.

Molo dung antong jinalo si palas roha, denggan majo pinamasuk tu gajut ate. Tabagi pe anong pukul 6 mi.

Jadi songonima di hamu pamoruon nami,  Nakin nungga hu jalo hami pinggan panukkunan, sonari pe amang boru paulahon nami ma on sada tu hamu pinggan pangalusi namarlapatan doi antong, asa tung sada hamu nalaho mangalusi sungkun-sungkun nami. 

Boru nami, pasahat hamu pinggamon tu adopan ni amang boru nami.

Paranak:

Mauliate ma Raja nami.

Suang songoni ma di hita saluhut namardongan tubu pomparanni oputta toga si matupang.

Dison tajalo do sada pinggan pangalusi sian rajani hula-hulatta Rajai disebut marganya.. namarlapatan doi antong asa tung sada hita anong na laho mangalusi sukkun-sukkun ni rajai. Di dok natua-tua molo ni durung pora-pora sai pintor ihut do dapot sibahut, molo dung antong jinalo sipalas roha, denggan majo pinamasuk tu gajut ate tabagi pe anong dung pukkul 19 i.

Jadi nungga rade be hami Raja nami.

Parboru:

Mauliate ma Amang boru, makatai ma hita tutu.

Nungga bosur hita mangan, sagat marlompan juhut na marsaudara sai pamurnas mai tu daging saudara tu bohi, sipalomak imbulu mai, jala sipaneang holi-holi.

Asa bagot namarhalto ma ni agatan di robean, horas ma hami na manganton tung tambana di hamu  pamoruon nami na patupahon.

Amang boru,..bakkona doi antong sai jolo ni nang-nang do asa ni nung-nung sai jolo nipangan do asa ni sukkun.

Onpe amang boru dia ma lak-lak na, dia do unok na.

Dia ma hatana jala dia do na ni dok na tangkas ma di paboa amang boru sibot-boti hami amang boru.

Paranak:

Gabe ma jala horas Raja nami, ia nungga manungkun nuain Rajai di si panganon naung tapangan naso sa dia i, 

Asa si titi ma si hompa, tali polang pangarahutna, otik so sadia raja nami na hupatupa hami i, sai godang ma pinasuna.

 

Asa bagot na marhalto ma tutu ni agatan di robean, horas ma luhut rajai namanganton tung tambana di hami pamoruon mu napatupahon.

Raja nami di dok na tua-tua marbau tanduk mar bau holi-holi, asa godang sibutong-butong, otik antong sipir ni tondi, tung so sadia pe rajanami na hu patupa hami i sai pamurnas mai tubadan saudara tu bohi, sipalomak imbulu mai jala sipaneang holi-holi.

Ia baritani indahan masak naso sadia i Raja nami, Panggabean parhorasan do tulang botima.

Parboru:

Mauliate ma amangboru, massai las si tutu antong roha ubegesa panggabean parhorasan do antong barita ni sipangamon na pinatupa munai.

Alai amang boru di dok natua-tua marakkup do ninna nauli jala mar dongan do nadenggan. Si akkup namai songon nahundul, si donganna songon na mardalan. Asa tangkas ma uju purba utakasan ma uju angkola, asa tangkas hita maduma, utangkasan ma na mamora. Onpe Rajani boru sitangkas ni panggabean parhorasani tangkas ma di paboa amang boru botima.

Paranak:

Gabe ma jala horas rajanami, ia nungga manakkasi nuain rajai di si akkup na songon nahundul si donganna songonna mardalan. Asa tangkas ma jabu suhut utangkasan ma jabu bona, Asa tangkas hita maduma utsngkasan ma na mamora.

Onpe antong paboaon ma songon si tangkas na.

Raja nami di dok natua-tua molo balgani anak pangolihonotton, 

Molo balga boru, pamulion manang pahuta on.

Tulang naburju, amang natua-tua, Raja ni hula-hula nasogot nungga rap mangudurhon hita, ima ianakonta, Anak nami antong nagabe hela mu, Dohot boru ni Rajai na gabe parumaen nami, 

Ima namanjalo pasu-pasu pardongan saripeon nasida sian bagas joro ni tuhanta mar hite naposona jala denggan saluhut na mardalan.

Molo di pasiat rajai angka elek-elek dohot pangidoan nami laos di bagasan tikkion ma nian hami pamoruon muna marga simatupang ima nanaeng pasahat somba ni adat, somba ni uhum nami tu rajai, lumobi ma antong tu keluarga na imbaru on, asa anggiat olat nion tu joloanni arion  gabe si tubuan ni anak, situbuan boru on dihami pasu-pasu on ni tuhanta pardenggan basa marhite tangiang mu saluhutna hula-hula nami raja si anu...

Jala dang na pola siat mamiding gabe siat ma molak hami Rajanami, molo di pasiat rajai angka elek-elek dohot pangidoan nami las ihut manian rajanami di ulaon sadari. Ima si angkup na dohot si donganna sibotboti hami tulang. Botima!

Parboru:

Mauliatema amang boru tung mansai las si tutu antong roha umbegesa, na naeng pasahat somba ni adat somba ni uhum ma hape hamu tu hami hula-hula mu di bagasan tingkion.

Nungga pitu lili nami paualu jugean nami, Nauli nipi nami amangboru naeng gohan mu ma hape hajut nami.

Nuaeng pe amang boru namarhata sinamot ma hita ate amang boru?

Paranak:

Gabe jala horas rajanami ima elek-elek dohot pangidoan nami mauliate tulang.

Parboru:

Mauliate ma amangboru, nuaeng pe antong di namarhata sinamot hita pasahat hamu ma si namot ni boru nami, piga bara ma horbona,asa pintor binaen tu adaran.

Piga bara ma hodana, asa pintor binaen hundulanni angka amatta raja.

Sadia godang ma mas na asa pintor binaen pakkeonni angka nantulang muna laho maronan. Nang sadia godang ma rupiah, sude ma pasahat hamu amang boru, asa tung las rohanami angka hula-hula muna. Ima elek-elek dohot pangidoan nami tu hamu saluhut na amang boru nami sibot-boti hami amang boru.

Paranak:

Mauliate ma rajanami di pasahat rohanami tuhamu di bagasan tingkion, napatuk doi antong pasahaton nami saluhutna pangidoan ni rajai,

Alai Raja nami, Raja bolon, Dang na hulikkuling na hona dalngoppon be hami tu hamu, manang imbulu nasinuatton. Sian mulai oppung nami nungga gelleng muna hami rajanami.

Songon ni dok ni natua-tua:

Barita ni lampedang nasolot di bulung bira, barita ni haburjuon mu hula-hula nami sinaga tarbarita doi sahat ro di dia.

Alai Raja nami raja bolon , i ta ni nasatolap gogo nami na tong-tong do pasahaton nami songon somba ni adat somba ni uhum mami turajai.

Molo di pasiat rajai akka elek-elek dohot pangidoan nami, asa si sahali mangelekkon sahali manombahon mahami raja nami di rupiah natinopani pamarentatta di si ma horbona ,disi hodana las ima nang mas na ima elek-elek dohot pangi do an nami tu hamu saluhut na hula-hula nami si bot-boti hami tulang.

Parboru:

Mauliate ma amang boru.

Anggo au amang boru se cara pribadi dang tarjalo au dope di akka elek-elek dohot pangidoan munai.

Alani mangido tingki majo au satongkin asa mardos ni tahi jo hami na mardongan tubu lumobima asa hupasangap hami jo akka raja nahu ontang nami, 

Alai amang boru anggo di suhi ni ampang na opat dohot di angka panandaion tangkas doi pasahaton muna ate amang boru?

Paranak:

Pos rohamu Rajanami, Tangkas doi pasahaton nami.

Parboru:

Jadi songoni ma di hita saluhut pomparanni oputta dohot boru bere nami, parjolo ma tu boru bere nami. Boru nami baen hamu pandapot mu.

Nb. Dungsippul sian boru bere langsung mangido panuturion ma tu hula-hula dohot tulang. Jawapannya sipanolopi atau gabe ma jala horas.

Jadi songonima di hamu Raja ni pamoruon nami, nungga tangkas di bege hamu namanjalo panuturion hami sian Raja ni hula-hula dohot tulang nami.

Nuaeng pe amangboru di angka ele-elek pangidoan munai, di na sahali manombahon hamu di sinamot ni boru nami, hu jalo hami mai amang boru, 

Onpe hatahon hamu ma si namot ni boru nami.

Paranak:

Gabema jala horas Rajanami, Alai mangido tingki majo hami satongkin, asa hu pasangap hami jo angka raja nahu ontang nami.

Parboru:

Ulahon hamu ma amang boru.

Paranak:

Manjalo panuturion sian horong ni hula-hula dohot tulang tdk jauh beda songon parboru sarupa do bahasana. Dung sippul sian hula-hula dohot tulang, parsinabung paranak langsung makarahon boni ni sinamot.

Jadi songonima di hamu hula-hula nami rajai raja si anu...

Di dok na tua-tua :

Amporik mallipik, organg mar babang.

Gabe do antong parboni na otik, 

Laos gabe do par boni nagodang.

Onpe hatahonon ma si namot ni boru ni Rajai godang na Rp.50.000.000.

Disima horbona , disi hodana las ima nang mas na.

Elek-elek dohot pangi doan nami asa oloppon Rajai mai. Mauliate.

Paranak:

Mauliatema amang boru, anggo au secara pribadi mabege 50 jt rupiah, pintor hatop doi olopponokku.

Alai lata pe latai, duhut-duhut do si but-buton, 

Hatani Raja pe nihatahon tetap hasuhuton do si baen keputusan.

Jadi songonima di hamu suhut nami, nungga tung takkas di bege hamu pangkataion nami dohot amang borutta, jala nungga berusaha au sekuat tenagakku onpe asa baen hamu pandapot mu.

Paidua ni suhut par boru menyetujui pembicaraan tersebut.

Parboru:

Jadi songonima di hamu pamoruon nami nungga tangkas di bege hamu di nahu tangkasi suhut nami, 

Onpe amang boru hu gabe hon hami mai si namot ni boru nami godang na 50 jt.

Parjolo ma pasahat hamu sinamot nagok tu suhut nami.

Paranak:

Mauliate malambok pusu ma hupasahat hami tu hamu saluhut na hula-hula nami Rajai.....

Ala pintor sude do angka elek-elek dohot pangi doan nami di oloi rajai mauliate ma di hamu.

Jadi songoni ma di hamu suhut nami, borhat ma hamu siani tuson, boan hamu ma si namot ni parumaenta.

Musik.......musik....

Nb. Dung sippul di pasahat sinamot, di uduti ma muse tu suhi mi ampsng na opat.

Parboru: