MARHATA SINAMOT / PATUA HATA / MARHUSIP NA GOGO

MARHATA SINAMOT / PATUA HATA / MARHUSIP NA GOGO

anwarjaya16.blogspot.com
 

Biasanya di ulaon marhata sinamot, nungga di totuhon nadua hasuhuton waktu dan tempat sebelum hari H. Di ulaon ni halak batak sai paranak do ro mandapotthon parboru di namarhata sinamot/marhusip/patua hata.

Setelah Rombongan paranak sampai di tempat pihak parboru yg sudah di sepakati..!

Biasanya paranak langsung menyuruh satu orang borunya untuk menyanyakan pihak parboru apakah rombongan paranak sudah bisa masuk, kalau sudah di perbolehkan langsung pihak paranak masuk rumah dan menyebut Horas..horas..horas.. dan disebut marganya.

Setelah disalami semua, biasanya paranak langsung berkata: Dihamu hula-hula nami rajai disebut marganya dison adong do huboan hami silua ni tangan nami,ima songon tona ni namboru muna tuhami, molo lao ho amang mandapotton tulangmi unang leas roham sotung pulut roham dang marsiboanokko. Jadi dison adong do huboan hami tulang silua ni tangan mami.

Parboru, langsung menyuruh salah satu dari borunya, utk memeriksa apa yg di bawakan oleh pihak paranak, apabila sudah lengkap semua parboru mempersilahkan paranak duduk.

Songononma hatana, 

Jadi mauliate ma amang boru, hundul ma hamu di sabolaan ma hamu hami ma di sabola on.

Dung sippul sude di tahi ma marsipanganon, 

Parboru:

Jadi boha amang boru ala mamereng hita di tingki, boha nga boi hita marsipanganon?

Paranak : 

Mauliate ma tulang, nungga boi be hita marsipanganon. Alai andorang soi tulang parjolo majo hupasahat hami tu rajai na huboan hami on.

Parboru:

Mauliate amang boru, roma hamu nungga mangarade hami.

Paranak:

Di hamu hula-hula nami Rajai disebut marganya.

Dison rodo hami pamuruon muna pasahatton tudu-tudu ni sipanganon, sai anggiat ma antong tudu-tudu ni panggabean parhorasanon di hamu hula-hula nami. Tungsongononpe Rajanami naboi tarpatupa hami di tingkion lasma rohamu manjalo.

Asa dohononma songon ni dokni natua-tua.

Asa si titi ma sihompa golang-golang pangarahutna, tung songonon pe naboi tarpatupa hami laho pasangappon hamu hula-hula nami sai godang ma pinasuna.

Paranak:

Jadi mauliate amang boru, sarupa do nakkokna dohot tuatna, hami pe naeng ro ma pasahatton si pasahaton nami mangarade ma hamu.

Paranak:

Mauliate Raja nami nungga rade hami.

Parboru:

Jadi songoni do dihamu saluhut Amang boru nami, Dison rodo hami Hula-hula mu pasahatton Dengke simudur-udur, dengke sahat, Asa rap mudur ma hamu tu dolok tu toruan rap dohot angka pinomparmu,

Jala dengke sahat don.

Sai sahat ma nauli sahat nadenggan di hamu saluhutna amangboru nami.

Asa dohononma songon hatani si panganon, sititi ma sihompa tali polang pangarahutna tung songononpe naboi tarpasahat hami sai godang ma pinasuna.

Marsipanganon..

Yang pimpin doa biasanya pihak paranak.

Dung sippul marsipanganon dilanjutkan pembicaraan alai sai parboru do namamulai. Songononma hatana.

Parboru:

Jadi boha amang boru, ala mamereng hita di tingki nga boi tamulai?

Paranak:

Mauliate tulang nungga mangarade hami.

Parboru:

Mauliate amangboru, nankin dison di pasahat hamu tu hami tudu-tudu ni sipanganon. Di dok natua-tua, andorang so di seat raut sai parjolo do di seat hata. Namanungkun ma hami amang boru tar songon dia ma partording ni on?

Paranak:

Mauliate ma Rajanami. Ianggo taringot tu tudu-tudu ni sipangano ni, anggo di hatiaon ba surung-surung muna doi Raja nami.

Parboru:

Mailiate ma amang boru, ba surung-surung nami do hape on.

Langsung di suru boruna di hamu boru nami boan hamu majo on tu meja dua, posma rohanami dihamu sahat ma anong on tu akka natalup manjalo.

Parboru:

Jadi boha amang boru nga boi tamulai?

Paranak:

Nungga mangarade hami Rajanami.

Parboru:

Mauliate ma amang boru, alai mangido tingki majo hami asa mardosni tahi majo hami angka namardongan tubu.

Paranak:

Mauliate Rajanami

Parboru:

Jadi songoni ma dihita namardongan tubu pomparanni oputta, ise ma hita lao manukkun amang borutta. Dung dapot mardosni roha, Raja hata langsung berkata Horas ma dihita saluhutna.

Jadi songonima di hamu Amang boru nami, nungga mangarade behami.

Parboru:

Mauliate ma Raja nami, alai tong majo mangido tingki hami asa mardosni roha hami namardongan tubu.

Parboru:

Mauliate Amang boru.

Dung sippul pihak paranak mardosni tahi, dan sudah terpilih Raja parhata, Raja parhata langsung berbicara gabema jala horas.

Jadi nungga mangarade be hami Rajanami.

Parboru:

Mauliate ma amang boru makatai ma hita tutu.

Nakin nungga simpul hita marsipanganon sagat marlompan juhut namarsaudara, sai pamurnas mai tu danging saudara tubohi, sipalomak imbulu mai jala sipaneang holi-holi.

Asa bagot namarhalto ma ni agatan di robean horas ma hami namanganton, tung tabbana di hamu namangalean.

Amang boru bakkona doi sai jolo ni nang-nang do asa ni nung-nung, sai jolo ni pangan do asa ni sungkun.

Onpe amang boru dia do lak-lak na, dia do unok na.

Dia do hatana jala dia ma nani dok na Tangkas ma di paboa amang boru.

Paranak:

Gabema jala horas Raja nami, ia nungga manungkun nuain rajai di si panganon na hupatupa hami naso sadia i, asa sititi ma si hompa tali polang pangarahutna, tung so sadia pe Raja nami nahupatupa hami i, sai godang ma pinasuna.

Asa bagot namarhalto ma tutu niagatan di robean horas ma luhut rajai namanganton tung tambana di hami  pamuruon mu napatupahon.

Raja nami di dok natua-tua, Marbau tanduk, marbau holi-holi

Asa godang sibutong-butong otik si pirni tondi, tung so sadia pe Raja nami nahupatupa hami i, sai pamurnas mai tu daging, saudara tu bohi. Sipalomak imbulu mai jala sipaneang holi-holi. 

Ia baritani indahan masak naso sadia i Rajanami Pangabean parhorasan do tulang botima.

Parboru:

Mauliate ma amang boru, tung mansai las si tutu roha umbegesa panggabean parhorasan do antong baritani sipanganon na pinatupa munai, 

Alai amang boru di dok natua-tua  marangkup do inna nauli jala mardongan do nadenggan.

Si angkup na mai songon na hundul si donganna songon na mardalan.

Asa tangkas ma uju purba u, tangkasan uju angkola, Asa tangkas hita maduma utangkasan ma na mamora.

Onpe amang boru si tangkasni panggabean parhorasani, tangkasma di paboa amang boru botima.

Paranak:

Gabema jala horas Rajanami, Ia nungga manungkun nuain Rajai di si angkup na songon nahundul, si donganna songon na mardalan.

Asa tangkas ma jabu suhut, utangkasan ma jabu bona.

Asa tangkas hita maduma utangkasanma na mamora.

Nuaeng pe tutu paboaon ma songon si tangkasna.

Jadi nasongonon do Raja nami:

Naro do Alu-alu ni anak nami mandok,

Di auhon patna ninna ibana tu hu tatta na ulion, Huhut ma huroa jinou-jou ni rupa nauli dohot pangalaho nadenggan boruni hula-hula nami di huta on,

Tung Longang situtu do antong rohanami umbegesa.

Didok roha nami datung adong boru ni halak na olo pangkulinganna.

Hape Raja nami di dok ibana ma tuhami, Jolma namartua do ninna ibana.

Pitu ninna lilina, pa ualu jugeanna,

Nauli do ninna nipina ai di jangkon boru muna do ibana.

Mansai las antong roha, huhut malambok pusu umbegesa.

Songon ni dok ni umpasa:

Tinapu bulung siarum baen uram ni pora-pora.

Na hansit gabe malum, molo dapot si nangkapanni roha.

Nuaeng pe Rajanami,

Banungga di jangkon boru ni Rajai anak mami i,

Jala di dok ibana nungga tung marsihaholongan ninna nasida, Alai Rajanami hatani angka naposo mai.

Ido Rajanami umbahen di pangido anak nami on, tu hami angka natua-tuana.

Ia lao ma jo damang tu hutani Rajai,songon patotahon hatani angka naposo, Asa gabe hatani angka natua-tua.

Jadi napatua hatama hami Raja nami ima si angkup na dohot si donganna Botima.

Parnoru:

Gabe jala horas amangboru na patua hata ma hape hamu sonari, Ise ma huroa goarmi boru nami i, ai torop boru nami, Atik boha adong angka nasa pengertian asa husuru di tangkasi Amamg boruna.

Paranak:

Goarna si.......di sebut namanya

Parboru:

Nungga tutu be alu-alu ni anak munai munai Amang boru,

Jadi onpe di naro hamu patua hata hu jalo hami mai Amang boru,

Atik boha adong dope si dohonon mu hatahon hamu ma amang boru. Mola dang asa hututup hami dohot tangiang.

Paranak:

Mauliate malambok pusu ma di pasahat rohanami Rajanami.

Nungga tung gok situtu lasni roha nami, nungga di oloi hamu haroro nami di napatua hata hami tu Rajai.

Sai anggiat ma antong saut angka na marrokkap, Rokkap na gabe sahat tu na saur matua.

Raja nami, Dang na siat mamiding siat mamolak hami Alai molo satolop Rajai

Adong na goppang di pusu-pusu solot di ate-ate nanaeng si hatahonon nami tu Rajai. Boha Raja nami?

Parboru:

Hatahon hamu ma amang boru, Sipanolopi do hami  di angka nauli.

Paranak:

Mauliate ma Raja nami.

Molo satolop Rajai ta uduti ma nian saonari marhusip na gogo hita laho manaringoti hombar tu sangkap ni ianakkontai, Ima pangidoan nami tulang.

Parboru:

Jadi marhusip na gogo ma hita amang boru, Mauliate suru hamu ma boru mu manurati aha na tahatai.

Onpe pinasahat ma tu hamu molo naung adong do konsep mu hu tuturi hami pe anong.

Paranak:

Mauliate Raja nami.

Naparjolo Ingkon sangap do hamu Rajamami jaloon nami, Hami ma Raja nami na pabolak tingkar hundulan ni Rajai. (Ditaruhon jual).

Laos di sadari i ma ta patupa paulak une dohot tikkir tangga manang ulaon sadari.

Napaduahon:

Taringot tu sinamot na gok. Songon somba ni adat, somba ni uhum nami tu Rajai, Pangidoan nami Raja nami si sahali mangelekkon ma hami Raja nami (Sitombol)

Ima jo pangidoan nami tulang.

Parboru:

Jadi ulaoni di taruhon jual.

Nauli Amang boru!

Paranak:

Mauliate Rajanami.

Di dok natua-tua Amporik mallipik, organg marbabang,

Gabe do antong parboni na otik laos gabe do parboni na godang.

Onpe antong hatahononma songon somba ni adat, somba niuhum tu rajai godang na Rp.50.000.000 Rajanami.

Parboru:

Gabe jala horas amang boru, uduti hamu ma muse.

Paranak:

Raja nami, rajani hula-hula. Huboto hami angka partonun do nantulang nami, Ba sude ma hami ulosi hamu Raja nami.

Parboru:

Nauli Amang boru, sude do hamu ulosan nami, 

Alai molo tung so sude pe hamu hu ulosi hami dohot ulos herbang, ulosan nami do hamu atik pe dohot ulos ti nonun sadari.

Paranak:

Gabe jala horas Rajanami.

Kemudian di sepakati Hal-hal berikut:

1. Pinggan panganan dohot ulos ti nonun sadari : Marsinakohi tanggani balatuk na be.

2. Jambar titin marangkup

3. Panjuhutina

4. Gedung

5. Jumlah undangan tu parboru

6. Tgl martumpol

7. Hari H pesta

8. Tempat marsibuha-buhai dan jam

9. Kesepakatan pembagian jambar: Sidapot solup naro

Dung sikkop sude di jahahon majo, Dungi di uduti ma muse Ingot-ingot.

Di tutup ma dohot ende, Tangiang.

Nb. Ini hanya sedikit contoh, buat Raja parhata pemula. Dan perlu di ingat bahwa adat Batak itu tidak ada tertulis.

From : Anwar Siburian